مری ، دیہی علاقوں کوگیس فراہمی کے منصوبوں پرکام تیزی سے جاری

مری ( نیوز ڈیسک)مری کے دیہات کوگیس کی فراہمی کے منصوبوں پرکام تیزی سے جاری، لوئرمسوٹ کوگیس کی فراہمی کے منصوبے کابھی افتتاح کردیاگیا۔افتتاحی تقریب میں مسلم لیگ (ن) کے رہنماء سرفراز عباسی ،فداعباسی،دانش یامین عباسی ،،غیا ث عباسی،ندیم عباسی ،عبد الباسط ایڈووکیٹ اورلالہ ظہیرسمیت کثیرتعدادمیں علاقے کے لوگوں نے شرکت کی ۔اس موقع پرلوئرموسٹ کوگیس کی فراہمی کے سلسلے میں سرفرازعباسی اورفداعباسی کی کاوشوں کوسرا ہا گیا۔لیگی رہنماؤں نے مری کے دیہی علاقوں کوگیس کی فراہمی کیلئے مسلم لیگی قیادت خصوصاً وزیراعظم شاہدخاقا ن عباسی کوخراج تحسین پیش کیا۔انہوں نے کہاکہ علاقے میں مسلم لیگ(ن) کے دورمیں ہونے والے ترقیاتی کاموں کوہمیشہ یادرکھاجائے گااور آئندہ انتخابات میں مری سے مسلم لیگ (ن) کوبھاری مارجن سے کامیاب کیاجائے گا ۔