کراچی(اے این این)کراچی کے سول ہسپتال میں خالی اسامیوں پر انٹرویو کے دوران ہزاروں امیدواروں کی آمد کے باعث شدید بدنظمی دیکھنے میں آئی، مرکزی دروازے پر دھکم پیل کے بعد صورتحال پولیس کے کنٹرول سے باہر ہونے کے باعث رینجرز طلب کر لی گئی۔کراچی کے سول ہسپتال میں خالی اسامیوں کیلئے ہزاروں امیدواروں کی آمد کے باعث گیٹ پر دھکم پیل، پولیس کے لاٹھی چارج کے باوجود حالات سنبھل نہ سکے جس کے بعد صورتحال کنٹرول کرنے رینجرز کو طلب کر لیا گیا۔سول ہسپتال میں گریڈ ایک سے پانچ تک خالی اسامیوں کیلئے انتظامیہ نے انٹرویو کی تاریخ مقرر کی۔ 300 اسامیوں کیلئے ہزاروں کی تعداد میں امیدواران ہسپتال پہنچ گئے۔ انتظامیہ نے انٹرویو کیلئے امیداواران کو بلایا تو گیٹ پر دھکم پیل شروع ہو گئی۔شدید بدنظمی کے باعث پولیس نے لاٹھی چارج کیا تاہم ہزاروں کی تعداد میں آئے افراد پر کنٹرول پانے میں بری طرح ناکام ہو گئی، نقص امن کی صورتحال کے خدشے کے پیش نظر انتظامیہ نے رینجرز کو طلب کر لیا۔
کراچی / سول ہسپتال