کراچی (آئی این پی) معروف اداکارہ زارا نور عباس نے کہا ہے کہ مجھے پنجابی لڑکی کا کردار ادار کرنے میں زیادہ لطف آتا ہے، میری خواہش ہے کہ جلد سرائیکی لڑکی اور پٹھان لڑکی کا کردار بھی ادا کروں۔ میڈیا کو دیئے گئے ایک انٹرویو میں زارا نے کہا کہ آئی ایس پی آر کے ڈرامے عہد وفا میں مداحوں نے میرے کردار رانی کی بہت تعریف کی جس کے لئے میں بہت شکر گزار ہوں۔ زارا نے نئے پراجیکٹس کے حوالے سے بتایا کہ وہ جلد ڈرامہ زیبائش میں خاوند اسد صدیقی کے ساتھ نظر آئیں گی جسے ان کی خالہ بشری انصاری نے تحریر کیا ہے۔انہوں نے فلم چھلاوا کے حوالے سے بتایا کہ مہوش حیات کے ساتھ کام کرنا میرے لئے بہت اعزاز کی بات تھی، اس فلم کا تجربہ بہت اچھا رہا۔ زارا عباس نے ہمایوں سعید، علی ظفر اور فواد خان کے ساتھ بڑے پردے پر نظرآنے کی خواہش کا بھی اظہار کیا۔