چینی شخص200 زہریلے بچھووں کی اسمگلنگ کرتے ہوئے سری لنکا ایئرپورٹ پر گرفتار

 سری لنکا کے بندرانائیک بین الاقوامی ہوائی اڈے پر کسٹم حکام نے چین کے ایک مسافر کو 200 کے قریب زندہ بچھووں کو سری لنکا سے باہرسمگل کرنے کی کوشش میں گرفتار کر لیا۔سری لنکا کے ذرائع ابلاغ کے مطابق اس شخص کو بندرانائیکے بین الاقوامی ہوائی اڈے کے روانگی گیٹ پر اس وقت گرفتار کیا گیا جب وہ سری لنکن ایئر لائن سے چین کے شہر گوانگزو کے جانے والی پرواز میں سوار ہونے لگا تھا۔ 30 سالہ شخص کو 550 ڈالر جرمانہ کیا گیا ،کسٹم حکام کے مطابق اُس شخص کا کہنا ہے کے وہ مختلف ممالک سے غیر قانونی طور پر جانوروں کی سمگلنگ کر کے اپنے ملک لے کر جاتا ہے تاکہ اُن کو فروخت کر سکے۔