الحمرااکیڈمی آف پرفارمنگ آرٹس کی استعداد کار بڑھانے کا فیصلہ

لاہور(کلچرل رپورٹر)لاہور آرٹس کونسل الحمراء نوجوانوں کی تعلیم وتربیت کیلئے پرعزم ہے،اس سلسلے میں الحمرااکیڈمی آف پرفارمنگ آرٹس کی استعداد کار مزید بڑھانے کا فیصلہ کیا ہے،موسیقی کی سیلیبرٹی کے لیکچر کی سیریل شروع کی جائیگی۔ ان خیالات کا اظہار ایگزیکٹوڈائریکٹر لاہور آرٹس کونسل الحمراء ثمن رائے نے اجلاس کی صدارت کرتے ہوئے کیا۔انھوں نے کہا کہ موسیقی میں اعلی خدمات انجام دینے والوں کو مدعو کیا جائیگاجو نوجوانوں کی فن سازی میں مدددیں گے، گلوکار استاد حسین بخش گلو نوجوانوں کو فن،تجربات و مشاہدات سے آگاہ کریں گے۔