ننکانہ صاحب (نامہ نگار) ڈاکوئوں نے دوران ڈکیتی مزاحمت کرنے پر ایک شخص کو فائرنگ کر کے موت کے گھاٹ اتار دیا۔ موڑ کھنڈا ہیڈ بلوکی روڈ پر گرڈ سٹیشن کے قریب  ڈاکوؤں نے 45سالہ شیر افضل پر فائرنگ کی جس کے نتیجہ میں وہ زندگی کی بازی ہار گیا۔ ریسکیو1122 نے ضروری کارروائی کے بعد نعش مقامی پولیس کے حوالے کر دی۔ علاوہ ازیں 90چٹی سٹاپ کے قریب دوران ڈکیتی مزاحمت پر ڈاکوئوں نے فائرنگ کر کے 30سالہ رکشہ ڈرائیور محمد آصف کو شدید زخمی کر دیا۔ ریسکیو1122نے ہسپتال منتقل کردیا ہے۔