قومی ترانے کے خالق حفیظ جالندھری کا121 واں یوم پیدائش آج منایاجائے گا

اسلام آباد(نمائندہ نوائے وقت)  قومی ترانے کے خالق معروف شاعر ابولاثر حفیظ جالندھری کا121 واں یوم پیدائش آج 14 جنوری بروز جمعرات کو منایاجائے گا ۔وہ14 جنوری1900 کو بھارت کے علاقے جالندھر میں پیدا ہوئے تھے۔ اس دن کی مناسبت سے ملک بھر میں حفیظ جالندھری کی ادبی وملی خدمات کوخراج عقیدت پیش کیا جائے گا انکی شاعری مذہبی،حب الوطنی اور لوک گیتوں پر مشتمل تھی ۔وہ21 دسمبر1982 کو انتقال کرگئے تھے ۔