ملتان (خبر نگار خصوصی) ملتان ویسٹ مینجمنٹ کمپنی نے"ورکرز محفوظ-کمپنی مضبوط" کے سلوگن پر عمل کرتے ہوئے اپنے2 ہزار ورکرز کو 2 ہزار لانگ ربڑ گلوز اور صفائی سکواڈ اور مرکزی شاہراہوں پرکام کرنیوالے500 ورکرز کو اپر جیکٹس فراہم کر دیئے ہیں جب کہ ہر ورکر کو روزانہ نیا ماسک فراہم کیا جاتا ہے۔ دوسری طرف سرد موسم کے پیش نظر ورکرز کے لئے اعلیٰ کوالٹی کی جیکٹ اور شوز کی خریداری کا عمل بھی جاری ہے۔ ایم ڈی فخر الاسلام ڈوگر نے کہا کہ ہمارا سلوگن ہے کہ"' ورکرز محفوظ-کمپنی مضبوط"ہے،ورکرز کمپنی کا اصل اثاثہ ہیں،شہر میں خوبصورتی اورصفائی کمپنی ورکرز کی مرہون منت ہے، ورکرز کی صحت کی حفاظت کمپنی کی اولین ذمہ داری ہے۔