عامر کے بیانات افسوس ناک تھے :وقاریونس

 ملتا ن (سپورٹس ڈیسک)قومی کرکٹ ٹیم کے بائولنگ کوچ وقار یونس نے فاسٹ بائولر محمد عامر کے بیانات پر افسوس کا اظہار کیا ہے۔ ان کا کہنا تھا کہ عامر شاندار کرکٹر ہے اور وہ ان لوگوں میں سے ہیں جنہوں نے عامر کو قومی ٹیم میں واپس لانے کی وکالت کی تھی۔ انہوں نے نوجوان بائولر نسیم شاہ کے بارے میں کہا کہ وہ ٹیلنٹڈ فاسٹ بائولر ہیں،انہوں نے بنگلہ دیش کے خلاف ہوم سیریز میں ہیٹرک کی تھی اور تیزی سے بائولنگ کے اسرارورموز سیکھ رہے ہیں۔وقار یونس نے کہا کہ میں قومی ٹیم کی شکست پر کسی جواز کے پیچھے نہیں چھپوں گا ، جو خبریں ہیں وہ خبروں کی حد تک ہی رہیں تو بہتر ہیں۔ وقار یونس کا کہنا تھا کہ یہ غلط بات پھیلائی جارہی ہے کہ وہ نیوزی لینڈ میں ٹیم کو چھوڑ کر آگئے تھے۔