حاجی نواز کھوکھرجڑواں شہر کی ہردلعزیز شخصیت تھے، ایم اکرم فرید

 اسلام آباد(اپنے سٹاف رپورٹر سے/نمائندہ خصوصی )سابق ڈپٹی سپیکر حاجی نواز کھوکھرکی قیادت میں آل ٹریڈرز ویلفیئرایسوسی ایشن جناح روڈ راولپنڈی کے پلیٹ فارم سے کئی فلاحی کام کئے گئے جو ہمیشہ یاد رکھے جائیں گے وہ جڑواں شہر کی ہردلعزیز شخصیت تھے جنہوں نے تاجروں کی آزمائش کی گھڑی میں ہمیشہ فعال وکارآمد کردار ادا کیاپوٹھوہار کی سیاست وسماجیات کی کتاب حاجی نواز کھوکھراور ان کے تذکرے کے بغیر مکمل ہی نہیں ہو سکتی یہ ایک ایسا خلا ہے جو کسی طور پر نہ ہوگاحاجی نواز کھوکھرسیاسی، سماجی،کاروباری حلقوں میں یکساں مقبول تھے اور ان کی رائے کو عزت واحترام کی نگاہ سے دیکھا جاتا تھا ان خیالات کا اظہارراولپنڈی اسلام آباد کی معروف کاروباری شخصیت ایم اکرم فریدنے اجتماعی تعزیتی پیغام میں کیاانہوں نے کہا کہ حاجی صاحب ’’دھڑے‘‘ اور ’’ڈیرے‘‘ کی روایت سے وابستہ سیاستدان شمار ہوتے تھے جو غریب پرور اور معاشرے کے محروم طبقات کی دادرسی کرنے کے جذبہ سے سرشارتھے، سپریم کونسل اسلام آباد چیمبر آف کامرس اینڈ انڈسٹری فاؤنڈر گروپ وسابق صدور خالد جاو ید،طارق صادق، ناصرقریشی، میاں شو کت مسعود، چو ہدر ی وحیدالدین،زبیراحمد ملک ،ظفربختاوری،احمد حسن مغل،اعجا ز عباسی،عبد الرؤ ف عالم،ناصرخان،خالد اقبال ملک ودیگرنے افسوس کا اظہار کیا اور سینٹر مصطفی نو از کھوکھر وپسماندگان سے تعزیت کی اور دعا کی کہ اللہ تعا لی مرحوم کو جنت الفردوس میں اعلی مقام عطا فرمائیں۔