کراچی (اسپورٹس رپورٹر)قائد اعظم آرچری اکیڈمی کے زیر اہتمام قائد اعظم انٹر کلب آرچری چیمپئن شپ 17جنوری کو منعقد کی جائے گی ،جس میں مرد و خواتین امیچرز اور پروفیشنل تیر اندازشرکت کریں گے۔ اس کا اعلان سندھ آرچری ایسوسی ایشن کے سیکریٹری منصور شہزاد نے کیا ۔ قائد اعظم آرچری اکیڈمی کے روح رواں اور ایشیا کے سند یافتہ کوچ حسان عبداللہ ایونٹ کے آرگنائزنگ سیکریٹری ہونگے ۔ سندھ آرچری ایسوسی ایشن کے زیر انتظام ہونے والا ایونٹ پویلین اینڈ کلب کے تعاون سے پویلین اینڈ کلب میں ہی منعقد کیا جائے گا جس کے انتظامات کو حتمی شکل دی جا رہی ہے۔ ،ان کا کہنا تھا کہ اب تک کراچی کے200سے زائدمرد و خواتین سینئر ،جونیئر اور پروفیشنل تیر اندازوں نے اپنی رجسٹریشن کنفرم کر دی ہے،ایونٹ کی فاتح ٹیم کو50ہزارروپے کا کیش پرائز دیا جائے گا ۔ انہوں نے بتایا کہ سینئر تیر اندازوں کے لیے 30میٹرز انٹر کلب ٹیم کیٹیگری کے لئے پرو ایونٹ بھی ہوگا اس کے علاوہ امیچر تیر اندازوں کے لیے 18میٹرز انفرادی کیٹیگری بھی ہوگی ۔ جونیئرتیر اندازوں کے لیے 7،10اور15میٹرز فاصلے کی کیٹیگری رکھی گئی ہے جبکہ انفرادی مقابلوں کے لیے اوپن ایونٹ بھی ہوگا ۔