گجرات/ کوٹ رادھاکشن/ پھولنگر/پیر محل (نمائندہ خصوصی+ نامہ نگاران) پھول نگر کے نواحی گاؤں پرناواں میں ملزم ریاض نے گھر داخل ہوکر دوست کی بیوی سے زبردستی زیادتی کر ڈالی۔ تھانہ سٹی پولیس نے خاتون کی درخواست پر مقدمہ درج کر کے ملزم کو حراست میں لے لیا۔ پیر محل سے نامہ نگار کے مطابق پیر محل کے گائوں 778 گ ب کے مکین نے الزام عائد کیا ہے کہ اوباش گینگ کے سرغنہ حسنین نے اپنے دیگر ساتھیوں سے ملکر میری بیوی کو اغواء کرتے ہوئے قید میں رکھ کر زیادتی کا نشانہ بنا ڈالا۔ تھانہ اروتی پولیس نے مقدمہ درج کر لیا۔ کوٹ رادھاکشن سے نمائندہ خصوصی کے مطابق پیرو روڈ قصور کی رہائشی 16 سالہ لڑکی کو ملزم حمزہ اپنے دو ساتھیوں کے ہمراہ اغواء کر کے حاجی  پارک کے ایک مکان میں لے آیا اور رات بھر اس سے زیادتی کرنے کے بعد فرارہوگیا۔ صبح لڑکی نے کسی کے موبائل سے گھر اطلاع دی۔ پولیس نے مقدمہ درج کر لیا۔ گجرات سے نامہ نگارکے مطابق گجرات کے تھانہ ککرالی کے علاقہ موضع بھانی کے رہائشی 17 سالہ لڑکے کے ساتھ مجید انور نے زبردستی  زیادتی کرڈالی اور اس کا دوست علی حمزہ موبائل پر ویڈیو بناتا رہا۔ جبکہ تھانہ دولت نگر کے رہائشی جواں سال لڑکے  کے ساتھ محمد آصف سکنہ ڈوگہ نے جنسی زیادتی کرڈالی اور فرار ہوگیا۔ پولیس نے الگ الگ مقدمات درج کر لئے۔