3خطرناک شوٹر گرفتار،درجنوں وارداتوں کا انکشاف

 لاہور (نامہ نگار)شاد باغ پولیس نے 3 خطرناک شوٹر ملزمان کو گرفتار کیا ہے۔ایس پی سٹی حفیظ الرحمان بگٹی اور ایس پی سٹی انویسٹی گیشن سرفراز ورک نے پریس کانفرنس کرتے ہوئے کہا ہے کہ ملزمان نے گزشتہ رات فیملی کو لوٹنے کی کوشش کی۔15 کی کال پر پولیس کا فوری ریسپانس سے پیچھا کرنے پر ملزمان نے پولیس پر سیدھی فائرنگ شروع کر دی۔ فائرنگ کے دوران معجزانہ طور پر پولیس پارٹی محفوظ رہی۔ پولیس نے کارروائی کرتے ملزمان کو گرفتار کر لیا۔گرفتار ملزمان میں شہباز عزیز بٹ، ساجد علی اور ندیم شامل ہیں۔ملزمان کے قبضہ سے ناجائز اسلحہ 2پسٹل اور موٹر سائیکل برآمد ہوئی ہے۔ دوران تفتیش ملزمان کا درجنوں واداتوں کا انکشاف کیا ہے۔ملزمان افضال عرف کنو جو کہ بیرون ملک ہے کے شوٹر ہیں۔ ملزمان شہباز بٹ کے کہنے پر قتل اور بھتہ کیلئے لوگوں کے گھروں دفاتر اور دکانوں پر فائرنگ کرتے۔ دوارن تفتیش ملزمان نے مزید انکشاف کیا کہ ملزمان نے ہی فائرنگ کیلئے عابد باکسر کے گھر کی ریکی کی اور ساجد نے کیمرے انسٹال کیے۔ ملزمان کے خلاف مقدمات درج کر کے مزید تفتیش عمل میں لائی جا رہی ہے۔