فیروز والہ(نامہ نگار) کالا خطائی روڈ کی آبادی حاجی کوٹ نقاب پوش ڈاکوؤں نے شادی والا گھر لوٹ لیا۔ ڈاکوؤں نے مہمانوں سے بھی طلائی زیورات نقدی چھین لئے۔ شادی والے گھر سے 10 لاکھ روپے مالیت کے طلائی زیورات نقدی اور موبائل چھین کر لے گئے۔ بتایا گیا ہے کہ شہزاد احمد کے گھر شادی کی تقریب تھی اس دوران 4 ڈاکو گھر میں داخل ہوئے جنہوں نے اسلحہ تان کرگھر میں موجود اہل خانہ کو یرغمال بناکر لوٹ لیا۔ ڈاکوؤں نے 6 لاکھ روپے کے زیورات 4 لاکھ روپے کی رقم نقد لوٹ کر فرار ہو گئے۔ شادی والے 23 جوڑے جبکہ مہمانوں فریاد علی، وارت علی وقار احمد حسنین علی اور دیگر افراد سے بھی نقدی موبائل فون چھین لیے ۔ ڈاکوؤں نے گن پوانٹ پر اقبال اور2 نوجوانوں سے لاکھوں روپے لوٹ لئے۔ بتایا گیا ہے کہ بلال اور نصراللہ نامی نوجوان اپنی گاڑی سیل کرکے ویگن پر شیخوپورہ سے رقم لے کر اپنے گھر لوٹ رہے تھے کہ راستے میں ڈاکو نے انہیں ویگن سے اتر ے موٹر سائیکل سوار ڈاکوؤں نے ان سے 4 لاکھ روپے نقدی چھین لی اور اسلحہ لہراتے ہوئے فرار ہوگئے ۔ موٹروے پل کوٹ عبدالمالک کے قریب ڈاکو وں نے موٹر سائیکل سوار مزمل حسین اس کے دوست ارسالان روک کو کر لوٹ لیا۔ ان سے ایک لاکھ روپے رقم اور 3 موبائل چھین کر لے لئے۔ اسی دوران ڈاکو ؤں نے سواروں کو بھی لوٹ  لیاان سے نقدی اور موبائل چھین کر لے گئے۔