ٹی ٹونٹی ورلڈ کپ سیمی فائنلسٹ ٹیم کے اعزاز میں تقریب آج ہوگی 

لاہور(سپورٹس رپورٹر)پاکستان کرکٹ بورڈ کے چیئرمین رمیز راجہ کی جانب سے قومی ٹیم کے اعزاز میںآج ایک تقریب منعقد کرنے کا پلان بنایا گیا ہے جس میں ٹی ٹونٹی ورلڈ کپ کھیلنے والے کرکٹرز مدعو ہوں گے۔ذرائع کے مطابق پی سی بی چیئرمین کی جانب سے جمعہ کو قومی کرکٹرز کو ایک تقریب میں اکٹھے کرنے کا پلان بنایا گیا ہے، تقریب کا مقصد میگا ایونٹ میں قومی کرکٹ ٹیم کی کارکردگی پر کھلاڑیوں کو سراہا جانا ہے۔تقریب میں قومی کرکٹرز کو کیش پرائز سے بھی نوازا جائے گا ، کھلاڑیوں کو تقریب میں کیش پرائز دینے کا فیصلہ چیئرمین پی سی بی نے کیا۔واضح رہے کہ گزشتہ سال پاکستان کرکٹ ٹیم نے ٹی ٹونٹی ورلڈ کپ کے سیمی فائنل کے لئے کوالیفائی کیا، ٹیم نے ایونٹ میں بھارت کو بھی شکست دی تھی۔