لاہور(سپورٹس رپورٹر)پاکستان ویمنز کرکٹ ٹیم کو پریکٹس میچ میں گورنر جنرل الیون ویمنز ٹیم نے 53رنز سے شکست دیدی ۔ میزبان ٹیم 235رنز بناکر آئوٹ ہوگئی ۔ایرن برنز 74اور چارلی ناٹس66رنز بناکر نمایاں رہیں ۔ ندا ڈار نے چار‘فاطمہ ثناء نے تین جبکہ ڈیانا بیگ نے دو کھلاڑیوں کو آئوٹ کیا ۔ قومی ٹیم  182رنز پر آئوٹ ہوگئی ۔ کپتان بسمہ معروف 74‘سدرہ امین 34رنز بناکر نمایاں رہیں ۔ امنڈا جیڈ ولنگٹن نے چار کھلاڑیوں کو آئوٹ کیا ۔ ندا ڈار نے کہا کہ بائولنگ کارکردگی سے مطمئن ہوں ۔ امید ہے کہ آسٹریلیا کیخلاف سیریز میں  بائولنگ اچھی رہیگی ۔ بیٹنگ میں کارکردگی دکھانے کیلئے  محنت کی ضرورت ہے ۔