لاہور(سپورٹس رپورٹر) آسٹریلیا میں پاکستان کے ہائی کمشنر زاہد حفیظ چوہدری کی پاکستان ویمن کرکٹ ٹیم کے کھلاڑیوں اور سپورٹ سٹاف سے ایلن بارڈر فلیڈ میں ملاقات۔ہائی کمشنر نے پاکستان کا آج گورنر جنرل الیون کے خلاف میچ بھی دیکھا اور پاکستان ویمن ٹیم کے لیے آسٹریلیا کے خلاف سیریز کے لیے نیک خواہشات کا اظہار بھی کیا۔پاکستان ویمن کرکٹ ٹیم کی کپتان بسمہ معروف نے ہائی کمشنر زاہد حفیظ کو کھلاڑیوں کی دستخط شدہ شرٹ پیش کی۔پاکستان ویمن کرکٹ ٹیم کل آرام کرے گی۔