تر بیتی پروگراموں کے ذریعہ کھلاڑیوں کی صلا حیتوں کو مزید نکھاریں گے:آصفہ بھٹو

کراچی(اسپورٹس رپورٹر) آصفہ بھٹو زرداری نے کراچی سے تعلق رکھنے ولی باکسنگ چیمپیئن اور جمناسٹک چیمپیئن کھلاڑیوں سے بلاول ہائوس میں ملاقات کی۔ اس موقع پر ان کے ہمراہ پی پی پی جنوبی کے صدر خلیل ہوت‘سندھ باکسنگ کے صدر اصغر بلوچ‘ سیکریٹری عبدالرزاق اور دیگر افراد بھی موجود تھے‘ ملاقات کے دوان گولڈ میڈلسٹ گرلز باکسرز ماریہ بلوچ‘ گل جبیں ملنگ‘ مہرین بلوچ‘سارا ملنگ‘ صدف‘اساورہ اور جمناسٹک چیمپیئن آمنہ‘ فضا اور شاہجہاں نے قومی سطح پر اپنی کامیابیوں کے حوالے سے  آصفہ بھٹو کو بریفنگ دی اور اس  بات پر زور دیا کہ حکومتی سطح پر نہ صرف ہماری حوصلہ افزائی کی جائے بلکہ ہر وہ سہولت فراہم کی جائے جس کی ہمیں ضرورت ہے تاکہ ہم قومی اور صوبائی سطح کے ساتھ ساتھ انترنیشنل سطح پر بھی پاکستان کا نام روشن کر سکیں‘ آصفہ بھٹو نے ان کھلاڑیوں کی کارکردگی کو سراہا اور یقین دلایا کہ حکومت سندھ کی جانب سے ان کی ہر سطح پر بھرپور حوصلہ افزائی کی جائے گی اور تربیتی پروگراموں کے ذریعے ان کی صلاحیتوں کو مزید نکھارنے کے لئے ہر ممکن مدد کریں گے‘ سند باکسنگ ایسو سی ایشن کے صدر اصغر بلوچ نے آصفہ بھٹو کی جانب سے کھلاڑیوں کی پذیرائی پر ان کا شکریہ ادا کیا بعد ازاں جمناسٹک کھلاڑیوں نے آصفہ بھٹو کے سامنے جمناسٹک میں اپنی بھرپور صلاحیتوں کا مظاہرہ کیا۔