کراچی (اسپورٹس رپورٹر) آل کراچی انڈر 15 جناح ٹرافی سیزن ٹو چوہدری رحمت علی کنگز نے جیت لی۔قومی کرکٹ ٹیم کے سابق کپتان ،وکٹ کیپربلے باز سرفراز احمد نے کھلاڑیوں میں انعامات تقسیم کئے۔ تفصیلات کے مطابق کراچی کے تین مختلف گراونڈ میں کھیلے جانے والے آل کراچی انڈر 15 جناح ٹرافی میں چھ ٹیموں نے شرکت کی، ایونٹ کا فائنل چوہدری رحمت علی کنگز اور لیاقت علی خان لائنز کے درمیان کھیلا گیا۔ چوہدری رحمت علی نے جناح ٹرافی سیزن ٹو کا ٹائٹل اپنے نام کرلی۔ ٹورنامنٹ کی تقریب تقسیم انعامات کا انعقاد کراچی کے ایک نجی ریسٹورنٹ میں کیا گیا، سابق کپتان سرفراز احمد کا تقریب میں آمد پر شرکا نے ان کا پرتپاک استقبال کیا۔
، اس موقع پر چیف آرگنائزر ضیا احمد، کراچی سٹی کرکٹ ایسوسی کے سابق جوائنٹ سیکریٹری جمیل احمد، سابق فرسٹ کلاس کرکٹر ظفر احمد، جلیل خان، نوید الامین، محمد نوید، کے سی سی اے کے سابق عہدیدار توصیف احمد صدیقی، مظہر اعوان، عظمی نوید، کوئٹہ گلیڈی ایٹرز کے منیجر اعظم خان، برنگٹون کرکٹ کلب امریکہ کے سربراہ ڈاکٹر نقی حیدر، چیف ایگزیکٹو نوید احمد صدیقی، بھی موجود تھے،۔ سابق کپتان سرفراز احمد نے کھلاڑیوں میں انعامات تقسیم کئے، آل کراچی انڈر 15 جناح ٹرافی سیزن ٹو کی فاتح ٹیم چوہدری رحمت علی کنگز کو ٹرافی کے ساتھ 50 ہزار روپے جبکہ رنرزاپ ٹیم لیاقت علی خان لائنز کو 25 ہزار روپے نقد انعامات سے نوازا گیا۔ ٹورنامنٹ کے بہترین بیٹسمین سمی اور فیصل قربان قرار پائے، بہترین فیلڈر کا ایوارڈ عاطف علی اور پلیئر آف دی ٹورنامنٹ کا اعزاز علی شاہ کے نام رہا۔