کراچی(اسپورٹس رپورٹر) ثانوی تعلیمی بورڈ کراچی کے تحت انٹر اسکولز ٹگ آف وار ٹورنامنٹ2022-23اختتام پذیر ہو گیا ۔ ڈائریکٹر ایجوکیشنل ریسرچ اینڈ اسپورٹس حور مظہر کے مطابق انٹر اسکولز ٹگ آف وار ٹورنامنٹ برائے سال23-2022طلبا و طالبات کے مقابلہ جات کے ایچ اے اسپورٹس کمپلیکس گلشن اقبال یونیورسٹی روڈ کراچی میں منعقد ہوایہ ٹورنامنٹ چار روز تک جاری رہاجس میں 9جنوری سے 10 جنوری تک طلبا اور 11جنوری سے 12جنوری تک طالبات کے میچز منعقد ہوئے۔اس ٹورنامنٹ میں شہر قائد سے 80سے زائد بورڈ سے الحاق شدہ گورنمنٹ و پرائیویٹ اسکولوں کے نویں ودسویں جماعت کے طلبا وطالبات نے حصہ لیا۔ تفصیلات کے مطابق بوائز ٹورنامنٹ کے فائنل میں سی اے اے ماڈل اسکول نمبر 2 ایئرپورٹ کی ٹیم نے فتح حاصل کی جبکہ اے ایس ایف پبلک اسکول اینڈ کالج اولڈ ایریاایئرپورٹ کی ٹیم رنراپ رہی۔اسی طرح ٹگ آف وار گرلز فائنل میں ڈی ایچ اے سی ایس ایس نیلم کیمپس کی ٹیم نے فتح حاصل کی اور الہادی اکیڈمی اسکول بلاک 6 ایف بی ایریا کی ٹیم رنراپ رہی۔