کراچی (اسٹاف رپورٹر)کراچی کولڈ ویو کی لپیٹ میں ہے، جس کے باعث گزشتہ شب رواں ماہ کی سرد ترین رات رہی۔موسمیاتی تجزیہ کار کے مطابق سرجانی ٹائون میں گزشتہ رات درجہ حرارت 6اعشاریہ 5ڈگری سینٹی گریڈ اور کلفٹن میں 13ڈگری سینٹی گریڈ ریکارڈ کیاگیا۔موسمیاتی تجزیہ کار نے بتایا ہے کہ 16جنوری تک کولڈ ویو کی شدت زائد رہے گی، شہر کے شمالی حصے میں درجہ حرارت 3سے 5ڈگری سینٹی گریڈ تک گر سکتا ہے۔وسطی علاقوں میں درجہ حرارت 7سے 9ڈگری سینٹی گریڈ تک رہے گا، جنوبی علاقوں میں درجہ حرارت 9سے 12ڈگری سینٹی گریڈ تک رہ سکتا ہے۔محکمہ موسمیات کے مطابق آئندہ 24گھنٹوں کے دوران شہرِ قائد میں موسم خشک اور سرد رہنے کا امکان ہے۔محکمہ موسمیات نے بتایا ہے کہ شہرِ قائد میں شمال مغرب کی سمت سے چلنے والی ہوئوں کی رفتار 18 سے 25 کلو میٹر فی گھنٹہ ہے جن میں نمی کا تناسب 16 فیصد ریکارڈ کیا گیا ہے۔