نوشہرہ ورکاں (نمائندہ نوائے وقت) آج تحصیل بار کے 317 ممبران  صدر اور جنرل سیکرٹری منتخب کریں گے صدر کے لئے انڈیپنڈنٹ لائرز فورم کے شبیر احمد بھٹی اور رہبر لائرز فورم کے چوہدری اسرار احمد سیکھو جبکہ جنرل سیکرٹری کے لئے محمدن لائرز فورم کے حافظ سہیل رسول گجر اور پروفیشنل اینڈ جسٹس لائرز فورم کے چوہدری فخر ریاض ورک کے درمیان کانٹے دار مقابلہ متوقع ہے باقی تمام عہدیداران پہلے ہی بلامقابلہ منتخب ہو چکے ہیں الیکشن بورڈ نے پولنگ کے تمام انتظامات مکمل کر لئے ہیں گزشتہ روز ڈی ایس پی سید مدثر حسین شاہ نے بار روم میں صدر بار چوہدری محمد نواز ملہی جنرل سیکرٹری بار ظہیر یوسف سپرائ، الیکشن بورڈ کے چیئرمین میاں محمد جاوید چوہدری ممبران چوہدری محمد عاقل ڈھڈی، چوہدری علی ذوالقرنین چیمہ، عمران عارف کھوکھر اور چوہدری سلیم عارف چیمہ سمیت امیدواران سے سیکورٹی انتظامات بارے تبادلہ خیال کیا غیر متعلقہ افراد کا کچہری میں داخلہ ممنوع ہو گا پولنگ صبح 9 بجے سے شام 5 بجے تک ہو گی، ووٹر کے پاس اپنا قومی شناختی کارڈ اور پنجاب بار کونسل کا جاری کردہ کارڈ ہونا لازمی ہے۔