چین: کوئلے کی کان میں دھماکہ، 10کان کن ہلاک، 6زخمی، 425لوگ موجود تھے

بیجنگ(نوائے وقت رپورٹ) چین میں کوئلے کی کان بیٹھنے سے 10 کان کن ہلاک ہوگئے۔ غیر ملکی خبر ایجنسی کے مطابق حادثے میں 6 کان کن زخمی بھی ہوئے جنہیں ہسپتال منتقل کر دیا گیا ہے۔ حادثہ چین کے وسطی صوبے ہینان میں پیش آیا۔ چینی میڈیا رپورٹس میں کہا گیا ہے کہ کوئلے کی کان میں دھماکہ کان سے گیس کے غیر معمولی اخراج کے باعث ہوا۔ دھماکے کے وقت کان میں 425 لوگ موجود تھے۔ ملبے تلے دبے کان کنوں کی تلاش کے لیے ریسکیو آپریشن جاری ہے۔ حکام نے ہلاکتوں میں اضافے کا خدشہ ظاہر کیا ہے۔