گجرات: 2 کاروں میں تصادم، باپ دو بیٹیوں سمیت جاں بحق، 2 زخمی

گجرات (نامہ نگار) دو کاروں کے درمیان تصادم کے نتیجہ میں موٹر سائیکل سوار کچلے گئے باپ دو بیٹیوں سمیت جاں بحق، دو زخمی۔ تفصیلات کے مطابق سرائے عالمگیر کا رہائشی ناصر موٹر سائیکل پر اپنی بیٹیوں کو سکول سے گھر لا رہا تھا کہ جی ٹی روڈ سرائے عالمگیر پر تیز رفتار دو کاریں ٹکرا گئیں جس کے درمیان موٹر سائیکل سوار بھی آگیا۔ حادثہ کے نیتجہ میں موٹر سائیکل پر سوار ناصر، اس کی بیٹیاں آبیرہ ناصر، مومنہ جاں بحق ہوگئیں جبکہ دو بچیاں زخمی ہو گئیں جنہیں تشویشناک حالت میں فوری طور پر ہسپتال منتقل کر دیا گیا۔ پولیس کے مطابق موٹر سائیکل پر 5 افراد سوار تھے، جاں بحق بچیوں کی عمریں 7 سے 8 سال کے درمیان تھیں۔