وزیر آباد (نامہ نگار) جنرل الیکشن2024ء کے لئے امیدواروں کا پارٹی ٹکٹ جمع کروانے کا سلسلہ جاری، وزیر آباد مسلم لیگ (ن)کے این اے 66 ڈاکٹر نثار احمد چیمہ، پی پی36 کے لئے عدنان افضل چٹھہ، تحریک لبیک پاکستان کے این اے66 کے محمد اکرم ارائیں، پی پی35 کے خرم مختار چیمہ ایڈووکیٹس، پیپلز پارٹی کے امیدوار اعجاز احمد سماں نے این اے 66 اور پی پی35، جماعت اسلامی کے این اے 66 ناصر محمود کلیر، پی پی35 محمد مشتاق بٹ نے پارٹی ٹکٹس ریٹرننگ آفیسر کو جمع کروائیں جبکہ آزاد امیدوار این اے66 اور پی پی36 اعجاز احمد پرویا ایڈووکیٹ کو حقہ، آزاد امیدوار پی پی35 پیر راجہ محمد اعجاز اللہ خان کو لیٹر بکس کا نشان الاٹ کیا گیا۔ فارم32 کے مطابق حلقہ پی پی35سے 49امیدواروں کو نشان الاٹ ہونگے۔ پی پی36 سے 36 امیدواران کو نشان الاٹ ہونگے۔ حلقہ این اے 66 میں آر او کے مطابق 27 امیدوار انتخابی نشان حاصل کریں گے۔