پاک بحریہ کی پہلی سی گارڈ مشق 2024 کا بحیرہ عرب میں  انعقاد 

کراچی (آئی این پی ) جوائنٹ میری ٹائم انفارمیشن کارڈیشین کے زیر انتظام پاک بحریہ کی پہلی سی گارڈ مشق 2024 کا انعقاد بحیرہ عرب میں کیا گیا، مشقوں کے دوران جوائنٹ میری ٹائم انفارمیشن کارڈینیشن سینٹر کے تحت گہرے سمندر میں  مختلف  مشقیں کی جارہی ہیں۔ ترجمان پاک بحریہ کی جانب سے جاری پریس ریلیز کے مطابق پاک بحریہ کا جوائنٹ میری ٹائم انفارمیشن اینڈ کوآرڈینیشن سینٹر کو مزید مستحکم بنانے کے لیے پہلی بار منعقد کی گئی سی گارڈ مشق 2024 کا انعقاد کیا گیا ہے۔ یہ مشقیں   18 جنوری تک جاری رہیں گی، مشقوں کے دوران کھلے سمندر میں پاک بحریہ کے بحری جہاز، ہیلی کاپٹرز اور اسپیڈ بوٹس نے حصہ لیا۔ اس کے علاوہ مشقوں کے دوران جوائنٹ میری ٹائم انفارمیشن کارڈینیشن سینٹر کے تحت گہرے سمندر میں مخلتف مشقیں کی جارہی ہیں، مشقوں میں سی کنگ ہیلی کاپٹر اور اسپیڈ بوٹس کا بھی استعمال کیا گیا۔ مشق کے دوران سمندر میں موجود منشیات و ممنوعہ اشیا سے لدی مشتبہ بوٹ، ہائی جیک کیا ہوا بحری جہاز اور سمندر میں گرے ماہی گیر کو بچانے کا عملی مظاہرہ بھی پیش کیا گیا۔ اس کیعلاوہ ایس ایس جیز نے جہاز پر اترنے اور سرچ آپریشن کرنے کا عملی مظاہرہ بھی کیا۔