ضلع کیچ میں جھڑپ، 5 جوان شہید، 3 دہشت گرد ہلاک

اسلام آباد (نمائندہ خصوصی) آئی ایس پی آر کے مطابق سکیورٹی فورسز نے ضلع کیچ کے علاقے بیلیدہ میں آپریشن کیا۔ آپریشن کے دوران دہشت گردوں نے سکیورٹی فورسز کی گاڑی پر آئی ای ڈی سے حملہ کیا۔ آئی ای ڈی دھماکے کے بعد سکیورٹی فورسز اور دہشتگردوں کے درمیان فائرنگ کے تبادلے میں 5 جوان بہادری سے مقابلہ کرتے ہوئے شہید ہوگئے۔ سکیورٹی فورسز کی مؤثر جوابی کارروائی میں تین دہشت گرد مارے گئے۔
اسلام آباد (نوائے وقت رپورٹ) آئی ایس پی آر کے مطابق سکیورٹی فورسز نے خیبر پی کے میں دو مختلف کارروائیوں میں چار دہشتگرد ہلاک کر دیئے۔ سکیورٹی فورسز نے شمالی وزیرستان کے ضلع میر علی آپریشن کے دوران فائرنگ کے تبادلے میں دو دہشتگرد مارے گئے۔ کمانڈر تبسم عرف قادر مان، دہشت گرد ساجد علی سرکنڈی شامل ہیں۔ سکیورٹی فورسز نے دوسرا آپریشن ڈی آئی خان کے علاقے کلاچی میں کیا۔ 21 مارے گئے، دہشتگردوں سے اسلحہ، گولہ بارود اور دھماکہ خیز مواد برآمد کر لیا گیا ہے۔