سری لنکا کرکٹ نے بیس کھلاڑیوں کے لئے سینٹرل کانٹریکٹ کا اعلان کر دیا،مرلی دھرن کانٹریکٹ حاصل میں کامیاب رہے، جبکہ سنتھ جے سوریا اور چمندا واس کو نظرانداز کر دیا گیا۔

سینٹرل کانٹریکٹ حاصل کرنے والے کھلاڑیوں کو چھ مختلف کیٹگریز میں رکھا گیا ہے۔ ٹاپ کیٹگری حاصل کرنے والوں میں کپتان کمار سنگاکارا، مرلی دھرن، مہیلا جے وردھنے، تلکررتنے دلشان اور سمارا ویرا شامل ہیں۔ کانٹریکٹ کیٹگری ٹو میں نوان کلاسیکارا اور کیٹگری تھری میں اینجلو میتھیوز کو رکھا گیا ہے۔
کیٹگری فور میں اوپل تھارنگا، تھلان تُشارا، رانگانا ہیرات، پرسانا جے وردھنے،اجنتہا مینڈس، چمارا کاپوگدیرا، لیستھ ملنگا اور تھلانا کاڈمبے شامل ہیں۔
کیٹگری فائیو میں دلہارا فرنینڈو، چناکا ویلا گدیرا اور پرانا ویتانا کو رکھا گیا ہے۔ ابھرتے ہوئے آف سپنر سورج رندیو اور بلے باز دنیش چندی مل پہلی مرتبہ کانٹریکٹ حاصل کرنے میں کامیاب رہے ہیں، انہیں
سینٹرل کانٹریکٹ کی کیٹگری سکس میں جگہ دی گئی ہے۔