اسلام آباد (جاوید صدیق) صدر زرداری دبئی سے جب لندن جائیں گے تو وہاں انکی ہمشیرہ فریال تالپور اور پارٹی کے دوسرے لیڈر بھی ہوں گے۔ قابل اعتماد ذرائع نے نوائے وقت کو بتایا ہے کہ صدر زرداری کے صاحبزادے بلاول بھٹو زرداری بھی لندن میں موجود ہوں گے۔ لندن میں صدر 11مئی کے انتخابات میں پارٹی کی شکست کے اسباب اور پارٹی کی تنظیم نو پر بھی صلاح مشورے کریں گے۔ ذرائع کے مطابق صدر اپنے صاحبزادے جو بعض وجوہ کی بناءپر حالیہ انتخابات میں پارٹی کی شکست پر رنجیدہ ہیں، اپنے م¶قف کا اظہار کریں گے۔ صدر زرداری کی کوشش ہے کہ بلاول بھٹو پارٹی کے چیئرمین کی حیثیت سے اپنی ذمہ داریاں سنبھالیں اور پارٹی کو منظم کریں۔ ذرائع کے مطابق بلاول بھٹو کے انکی پھوپھی فریال تالپور سے پارٹی معاملات کے بارے میں اختلافات ہیں جنہیں ختم کرانے کی کوشش کی جائیگی۔