لاہور (کلچرل رپورٹر) اداکارہ ماہ نور گوجرانوالہ کے تھیٹر میں شاندار پرفارمنس کے بعد لاہور پہنچ گئیں۔ وہ آج جمعہ 14 جولائی سے لاہور کے شالیمار تھیٹر میں ڈرامہ ”اڑی بابا“ میں پرفارم کریں گی۔ ڈرامے کی دیگر کاسٹ میں آفرین، پائل چودھری، انیشا خان، صبا خان، صوفیہ چودھری، شاہد خان، سرفراز وکی، حامد رنگیلا، وسیم پنوں اور ندیم برال شامل ہیں۔ ڈرامے کے رائٹر و ڈائریکٹر ڈاکٹر اجمل ملک اور پروڈیوسر ملک طارق ہیں۔ اداکارہ ماہ نور نے کہا ہے کہ ڈرامہ اڑی بابا میں میرا مرکزی کردار ہے مجھے امید ہے کہ اس ڈرامے میں شائقین کو میری پرفارمنس پسند آئے گی۔ ڈرامے کے پروڈیوسر ملک طارق نے کہا ہے کہ سٹیج ڈراموں کے شائقین کی پرزور فرمائش پر جمعہ ہفتہ اور اتوار کو دو دو شو ہوں گے۔