ون وہیلنگ کا انجام نوجوان سڑک پر گر کر ٹرالر سے کچلا گیا

کراچی( کرائم رپورٹر) کراچی کے مختلف علاقوں میں ٹریفک کے حادثات میں خاتون سمیت تین افراد ہلاک اور دو افرادزخمی جب کہ دو افراد سمندرمیں ڈوب کر جان گنوا بیٹھے تفصیلات کے مطابق موچکہ کے علاقے میں ناردرن بائی پاس پر تیز رفتار ٹرک نے موٹرسائیکل سوار30 سالہ ایاز ولد تاج محمد کو کچل کر ہلاک کردیا ۔ لیاری کے علاقے آگرہ تاج کالونی میں دوست کے ساتھ موٹر سائیکل پر پیچھے بیٹھا نوجوان 16 سالہ عثمان ون وہیلنگ کے دوران سڑک پر گرا اور عقب میں آنے والے ٹرالر سے کچل کر ہلاک ہوگیا ادھر سپر ہائی وے پر تیز رفتار گاڑی نے موٹر سائیکل کو ٹکر مار دی جس کے نتیجے میں ایک خاتون 45 سالہ قائمہ بی بی زوجہ محمد انور ہلاک اور 2 افراد 18سالہ عباس اور10سالہ زاہد زخمی ہوگئے اس کے علاوہ سینڈز پٹ کی ساحلی تفریح گاہ پر دو افراد30 سالہ نوید اور13 سالہ شاہ زیب سمندر میں ڈوب کر ہلاک ہوگئے دونوں پکنک منانے کے لئے آئے تھے۔