گھوٹکی: نہر میں ڈوبنے والے 5 افراد میں سے خاتون کی نعش نکال لی گئی

گھوٹکی (نوائے وقت نیوز) سندھ کے ضلع گھوٹکی کے علاقے میرپور ماتھیلو کی مسوواہ نہر میں گزشتہ روز ڈوبنے والے ایک ہی خاندان کے 5 افراد میں سے ایک خاتون کی نعش نکال لی گئی۔ مزید 2 بچوں اور ایک خاتون سمیت 4 افراد کی نہر میں تلاش جاری ہے۔ جمعرات کی رات تیزرفتار موٹرسائیکل بے قابو ہوکر مسوواہ نہر میں جاگری تھی جس پر 2 خواتین اور 2 بچوں سمیت 5 افراد سوار تھے۔ ڈوبنے والوں کی تلاش کیلئے سکھر سے نیوی کی ٹیم نے پہنچ کر تلاش شروع کی اور رات گئے ایک خاتون کی نعش مل گئی‘ تاہم دیگر 4 افراد کی تلاش اب بھی جاری ہے۔