کراچی (اسپورٹس رپورٹر) پاکستان سپر لیگ کے پراجیکٹ ایگزیکٹو شعیب نوید نے یقین دلایا ہے کہ پی ایس ایل فائیو کے باقی میچز رواں برس ری شیڈول کئے جائیں گیجس کیلئے تمام فرنچائز بھی پرامید ہیں۔میچوں کی ری شیڈولنگ سے متعلق تفصیلات سے مقررہ وقت پر آگاہی کی تسلی دیتے ہوئے ان کا کہنا تھا کہ بلاشبہ ٹکٹوں کی ری فنڈنگ کا عمل تاخیر کا شکار ہوا البتہ اس کی وجہ کورونا وائرس کی موجودہ صورتحال تھی جس کا جائزہ لیا جا رہا تھا۔شعیب نوید کا مزید کہنا تھا کہ پی ایس ایل فائیو کامیاب ترین ایونٹ ثابت ہوا جسے دیکھنے کیلئے ملک کے پانچ لاکھ جوشیلے شائقین نے سٹیڈیمز کا رخ کیا۔