فیروزوالہ:ٹریفک حادثات میں تھانیدارسمیت 3افراد جاں بحق‘15زخمی

لاہور+فیروزوالہ(نمائندہ خصوصی+نامہ نگار) شاہدرہ ٹاون کے علاقے میں59سالہ شخص سڑک کراس کرتے ہوئے بس کی زد میں آکر موقع پر دم توڑ گیا۔تفصیلات کے مطابق چوہنگ ملتان روڈ پر تیز رفتار کوسٹر بے قابو ہو کر الٹ گئی جس کے نتیجے میں دو خاتون سمیت 8مسافر زخمی ہو گئے زخمیوں میں عثمان سرور، سمیر معراج دین، عابدہ اظہر، نجمہ حفیظ، اور احمد شامل تھے۔ جن کو طبی امداد کے لیے ہسپتال داخل کروا دیا گیا ۔ لاہور روڈ تھانہ صدر کے علاقہ میں دو مو ٹر سائکلیں ٹکرانے کے باعث موٹر سائیکل سوار اے۔ایس آئی محمد اکرم ہلاک جبکہ موٹر سائیکل سوار زخمی ہو گیا‘کالا خطائی روڈ پر تیز رفتار رکشہ سڑک کی خرابی کے باعث الٹ جانے سے دو عورتوں سمیت چھ افراد زخمی ہو گئے۔ جی ٹی روڈ پر تیز رفتار گاڑی نے سڑک عبور کرتے ہوئے راہگیر کو روند ڈالا جو شدید زخمی ہو گیا جسے طبی امداد کیلئے ہسپتال لایا گیا جہاں پر وہ دم توڑ گیا۔ چونگی سٹاپ کے قریب دو مو ٹر سائیکلیں آپس میں ٹکرانے سے تین افراد زین اور فیاض احمد وغیرہ زخمی ہو گئے۔جی ٹی روڈ پر موٹر سائیکلیں ٹکرانے کے باعث خاتون سمیت چار افراد زخمی ہو گئے ۔