جہلم (نامہ نگار) جہلم پاکستان کو 1994 کا ہاکی ورلڈ کپ جتوانے والے قومی ہیرو منصور احمد کو کراچی میں سپردخاک کردیا گیا، سابق اولمپئن اور قومی ہاکی ٹیم کے سابق کپتان و گول کیپر منصور احمد دل کے عارضے میں مبتلا تھے جو گزشتہ روز خالق حقیقی سے جاملے۔، مرحوم کی دعائے مغفرت کیلئے شہر کی سماجی شخصیات ارشد کیانی، نوید صفدر میر نے خصوصی دعائیہ تقریب کا انعقاد کروایا، اس موقع پر وطن عزیز کا نام روشن کرنے والے قومی ہیرو منصور احمد کو خراج عقیدت پیش کیا گیا، مرحوم کی مغفرت کیلئے خصوصی دعا کروائی گئی اور لواحقین کیلئے صبر وجمیل کیلئے دعا کی گئی ۔