کم ترین اننگز میں 14 ون ڈے سنچریاں، بابراعظم نے ہاشم آملا کا ریکارڈ توڑدیا

ملتان (سپورٹس ڈیسک) انگلینڈ کے سیریز کے تیسرے ون ڈے میچ میں بابراعظم نے اپنی 14 ویں سنچری سکور کرنے کیساتھ ساتھ کم ترین اننگز میں 14 سنچریاں سکور کرنے کا ہاشم آملا کا ریکارڈ بھی توڑ دیا۔ بابراعظم نے چوکے کے ساتھ سنچری مکمل کی اور 81 اننگز میں یہ کارنامہ سر انجام دے کر ہاشم آملا(84) کو پیچھے چھوڑ دیا۔ اس فہرست میں ڈیوڈ وارنر نے 98 اننگز میں 14 سنچریوں کے ساتھ تیسری پوزیشن سنبھال رکھی ہے۔بھارت کے ویرات کوہلی 103 اننگز میں 14 سنچریاں بنا کر چوتھے اور جنوبی افریقی وکٹ کیپر بلے باز کوئنٹن ڈی کوک 104 اننگز میں اتنی ہی سنچریاں بنا کر 5ویں نمبر پر ہیں۔