نیپال نے سکاٹ لینڈ کو ون ڈے میچ  میں پانچ وکٹوں سے شکست دیدی 

لاہور(سپورٹس ڈیسک ) نیپال نے آئی سی سی ورلڈ کپ لیگ ٹو کے میچ میں سکاٹ لینڈ کو پانچ وکٹوں سے ہرا دیا ۔ سکاٹش ٹیم 144رنز پر ڈھیر ہو گئی ۔ گوین مین 64رنز پر ناٹ آئوٹ رہے ۔ محمد عادل عالم اور سومپال کامی نے تین تین کھلاڑیوں کوآئوٹ کیا ۔ نیپال نے ہدف 25.1اوورزمیں پانچ وکٹوں پرپورا کرلیا ۔مین آف دی میچ آصف شیخ 71رنز بناکر نمایاں رہے ۔ گوین مین نے تین کھلاڑیوں کوآئوٹ کیا ۔