لاہور(سپورٹس رپورٹر)کامن ویلتھ گیمز کیلئے پاکستان ہاکی ٹیم کا انتخاب کرلیاگیا، باقاعدہ اعلان جلد متوقع ہے۔ ایشیاکپ میں شریک علی شان اور ابوبکر ٹیم کا حصہ نہیں ہے۔ذرائع کے مطابق برمنگھم میں پاکستان کی نمائندگی کے اہل پانے والے کھلاڑیوں میں اکمل حسین، محمد عبداللہ اشتیاق، رضوان علی، محمد عبداللہ، عماد شکیل بٹ، حماد الدین انجم، مبشر علی،اعجاز احمد،معین شکیل،عبدالمنان، جنید منظور، عمر بھٹہ،غضنفر علی،رانا وحیدم، حنان شاہد،احمد ندیم،فراز احمد، رومان خان شامل ہیں، چھ ریزورز کھلاڑیوں میں سلمان رزاق، مرتضی، تعظیم، ارشد ، سفیان اور وقار کو رکھاگیاہے۔18 کھلاڑیوں اور تین آفیشلز کے سفری اخراجات پاکستان سپورٹس بورڈ برداشت کررہاہے، تین آفیشلز پی او اے کی معاونت سے قومی دستے کا حصہ ہوں گے۔ قومی ٹیم ان دنوں لاہور میں ہیڈکوچ سیگفرائیڈ ایکمین کی نگرانی میں ٹریننگ کررہی ہے۔