فیروزوالہ (نامہ نگار) ونڈالہ نہر فیروزوالہ میں مسلح افراد نے حملہ کر کے میونسپل کارپوریشن فیروزوالہ کے اہلکار کو زخمی کر دیا۔ حملہ آوروں نے سرکاری ٹرک کے شیشے توڑ ڈالے۔ حملہ آور فرار ہو گئے۔ حکومت پنجاب کی ہدایت پر سڑکوں،چوکوں اور بازاروں میں سری پائے جلانے پر پابندی عائد کی گئی اس سلسلے میں میونسپل کارپوریشن فیروزوالہ یونٹ کے چیف آفیسر میاں محمد منشاء احسن کی ہدایت پر ڈپٹی میونسپل آفیسر (ریگولیشن)حرا حفیظ کی سربراہی میں انفورسمینٹ انسپکٹر ملک غلام مہدی نے ٹیم کے ہمراہ ونڈالہ دیا ل شاہ بدو پْلی اور دیگر علاقوں میں سری پائے جلانے والوں کے خلاف کریک ڈاؤن کیا۔