فیسکو نے عیدالاضحی کی تعطیلات میںریجن بھرکے صارفین کو بلا تعطل بجلی کی فراہمی یقینی بنائی:سی ای او

فیصل آباد (نمائندہ خصوصی) فیصل آباد الیکٹرک سپلائی کمپنی (فیسکو) نے عیدالاضحی کی تعطیلات کے دوران ریجن بھرکے صارفین کو بلا تعطل بجلی کی فراہمی یقینی بنائی۔چیف ایگزیکٹوفیسکوانجینئربشیراحمد فیسکو ہیڈکوارٹرزمیں قائم سپیشل سیل میں موجودرہے اور تمام امور کی نگرانی کی جبکہ پانچوں آپریشن سرکلزمیں قائم شکایات سنٹرزپر موجود عملہ بھی24گھنٹے آن کال رہا اور کسی بھی جگہ ٹرپننگ ،فالٹ آنے یا کسی بھی ایمرجنسی صورت حال میں فوری رسپانس کرتے ہوئے صارفین کے انفرادی مسائل کا فوری ازالہ کیاگیا۔ مختلف علاقوں میں بارشوں کی بناء پر آنیوالے فالٹس کو فوری کلئیرکرنے کیلئے فیسکو چیف بشیر احمد کی ہدایت پر آپریشن سٹاف کے ہمراہ شعبہ کنسٹرکشن،جی ایس او اور جی ایس سی کے سٹاف کی ڈیوٹیاں لگائی گئیں جو گاڑیوں،کرینوں سمیت فیلڈ سٹاف کی معاونت کرتے رہے اور صارفین کے بجلی سے متعلقہ مسائل کاجلد از جلد ازالہ ممکن بنایا۔