بہاولپور(بیورو رپورٹ) پروفیسر ڈاکٹر اطہر محبوب وائس چانسلر اسلامیہ یونیورسٹی بہاولپور نے عیدالاضحی کے موقع پر شہر بہاولپور میں صفائی اور شدید بارشوں میں نکاسی آب اور سڑکوں پر نقل و حمل کے بہترین انتظامات پر کمشنر بہاول پور ڈویژن راجہ جہانگیر انور، ڈپٹی کمشنر عرفان علی کاٹھیا کی خصوصی نگرانی میں بہاولپور ویسٹ مینجمنٹ اور بہاولپور میٹروپولیٹن کارپوریشن کے عملے کی کارکردگی کو سراہا ہے۔ وائس چانسلر نے عید تعطیلات میں امن وامان قائم رکھنے پر ضلعی پولیس ریجنل پولیس آفیسر صادق علی ڈوگر اور ڈسٹرکٹ پولیس آفیسر عبادت علی نثار اور سیکورٹی فورسزاور یونیورسٹی سیکیورٹی عملے کی بھی تعریف کی۔ انہوں نے کہا کہ جامعہ اسلامیہ شہری انتظامیہ کے شانہ بشانہ کھڑی ہے اور تاریخی شہر بہاولپور کی خوبصورتی اور ترقی کیلئے اپنا کردار ادا کر تی رہے گی۔
ڈاکٹر اطہر محبوب