لاہور(نامہ نگار)سبزہ زار انویسٹی گیشن پولیس نے خاتون کے اندھے قتل کی واردات میں ملوث سوتیلے بیٹے سمیت تین ملزمان مدثر ، گلباز اور شاہد کو گرفتار کر لیاہے۔ایس پی صدر انوسٹی گیشن ڈاکٹر عقیلہ نقوی نے کہاکہ گرفتار ملزم مدثر نے شوٹرز شاہد اور گلباز کے ذریعے سوتیلی ماں کنول زہرہ کو قتل کروایاتھا۔مقتولہ کنول زہرہ پیشہ کے لحاظ سے نرس تھی اور نجی ہسپتال میں جاب کرتی تھی۔ ملزم مدثر کا والد خالد ملک عرف ڈاکٹر بھی اسی ہسپتال میں کام کرتا تھا،ملزم کے والد کاجھکاو¿ اس کی سوتیلی ماں کی طرف تھا جس کا اسے رنج تھا،ملزم مدثر نے شوٹرز کو4لاکھ نقدی، اسلحہ اور موٹر سائیکل دے کرقتل کی واردات کیلئے آمادہ کیا اور شوٹرز شاہد اور گلباز نے ہسپتال جاتے ہوئے کنول زہرہ کو فائرنگ کا نشانہ بنا کر قتل کر دیا تھا۔گرفتار ملزم مدثر ایل ایل بی کا طالب علم ہے، ملزمان سے آلہ قتل پسٹل اور موٹر سائیکل برآمدکر لی گئی ہے۔