لاہور(کلچرل رپورٹر) لاہور آرٹس کونسل الحمراءمیں آرٹسٹ سپورٹ فنڈ کے تحت خواتین آرٹسٹوں سے درخواستیں وصول کرنے کیلئے خواتین ڈیسک کا قیام لایا گیا ہے۔ایگزیکٹوڈائریکٹر محمد سلیم ساگر نے اس کہا کہ اس اقدام کا مقصد خواتین آرٹسٹوں کیلئے درخواستیں جمع کروانے کے عمل کو آسان بنانا ہے۔ خواتین ڈیسک الحمراءآرٹس کونسل کے ایڈمن بلاک کے داخلی دروازے پر بنایا گیا ہے جہاں الحمراءکا عملہ خواتین سے درخواستیں وصول کرئے گا۔ واضح رہے محکمہ اطلاعات وثقافت،حکومت پنجاب کی ہدایت پر الحمراءآرٹسٹ کونسل آرٹسٹ سپورٹ فنڈ 2023-24 کے تحت درخواستیں وصول کر رہا ہے۔ اب تک سینکڑوں کی تعداد میں آرٹسٹوں سے درخواستیں وصول کی جا چکی ہیں۔ یہ عمل نہایت خوش اسلوبی و جاری ہے۔محکمہ اطلاعات وثقافت،حکومت پنجاب کی طرف سے آرٹسٹوں کو آرٹسٹ سپورٹ فنڈ میں درخواستیں جمع کروانے کیلئے تشہیری مہم کے تحت آگاہ کیا گیا ہے۔آرٹسٹ 04اگست2023تک اپنی درخواستیں جمع کروا سکتے ہیں۔