حافظ آباد :ڈسٹرکٹ بار کی پارکنگ میں ٹف ٹائل منصوبے کا کام مکمل

حافظ آباد (نمائندہ نوائے وقت+نمائندہ خصوصی) ڈسٹرکٹ بار ایسویس ایشن حافظ آباد کی پارکنگ کے ٹف ٹائل منصوبے کا کام مکمل کر لیا گیا، ڈپٹی کمشنر عمر فارو ق وڑائچ ، ڈسٹرکٹ اینڈ سیشن جج ملک مشتاق الہٰی بنگی ، صدر بار ایسو سی ایشن ملک وقاص رضا اعوان اور سیکرٹری مزمل عزیز گجر نے منصوبے کا باقاعدہ افتتاح کیا،ایڈیشنل ڈپٹی کمشنر ریونیوامتیاز علی بیگ، سابق صدر بار صفوان عباس بھٹی ، امان اللہ سنوھو،پی ایم صفدر کھرل سمیت سینئر وکلاء، معظم بھون اور بےرسٹرسید وسیم الحسن شاہ و دیگر بھی اس موقع پر موجو د تھے ، اس موقع پر ڈپٹی کمشنر، ڈسٹرکٹ اینڈ سیشن جج اور صدر بار نے کہا ہے کہ وکلا ، ضلعی انتظامیہ اور ججز کا آپس میں مثالی رابطہ ہے اس تمام تر کوآرڈینیشن کا مقصد ڈسٹرکٹ بار ایسوسی ایشن کی بہتری اور وکلاءکی فلاح و بہبود کیلئے مل جل کر کام کرنا ہے ،بعدازاں بےرسٹر سےد وسےم الحسن شاہ نقوی نے دعاکرائی۔