اسلام آباد(اپنے سٹاف رپورٹر سے)لڑائی جھگڑے، ٹریفک حادثوں میں ایک خاتون، کمسن بچی سمیت5افراد جاں بحق جبکہ دو بچیوں سمیت 3افراد زخمی ہو گئے،تھانہ نیلور کو محمد شہباز نے بتایا کہ والد نیاز اختر ہمشیرہ مومنہ بی بی اور بھائی عبداللہ کے ساتھ گھر میں تھا کہ چچا بابروغیرہ آ گئے جنہوں نے وراثت میں حصہ کے تنازعہ پر والد کو فائرنگ کرکے قتل کر دیا اور فرار ہو گئے،تھانہ نون کو غلام مرتضی نے بتایا کہ بیوی زیبا اور بچیوں زینب فاطمہ صفا بی بی کے ساتھ موٹر سائیکل BNA-144پر جا رہا تھا کہ تیز رفتار بس نمبر FSA-5876نے میرے موٹر سائیکل اور ایک اور موٹر سائیکل کو کچل دیا جس سے میری اہلیہ اور بیٹی جاں بحق ہو گئیں،دوسرے موٹر سائیکل سوار محمد سہیل عباسی محمد ظفر ندیم بھی جاں بحق ہو گئے تھانہ شمس کالونی کو محمد جوہر الرحمان نے بتایا کہ سسر جاوید اور میری اہلیہ رافعہ سمیون شاپنگ کیلئے اسلام آباد آئے اور فون کرکے مجھے بلایا جاکر دیکھا تو اہلیہ اور سسر زخمی سڑک کنارے پڑے تھے جبکہ سسر زخموں کی تاب نہ لاتے ہوئے دم توڑ گئے، مجھے بتایا کہ نامعلوم موٹرسائیکل سواروں نے فائرنگ کی، تھانہ رمنا کو عزیزالرحمان نے بتایا کہ نامعلوم افراد نے گاڑی پر فائرنگ کرکے زخمی کر دیا، تھانہ سبزی منڈی پولیس نے 12سالہ بچے پر تشدد کرنے والے نعیم کے خلاف مقدمہ درج کرلیا۔