لاہور(سپورٹس رپورٹر)ایشین اتھلیٹکس چیمپئن شپ میں پاکستان کے شجر عباس نے 100 میٹرز کے سیمی فائنل کیلئے کوالیفائی کرلیا۔شجر عباس نے تیسری ہیٹ میں تیسری پوزیشن حاصل کر کے اگلے راؤنڈ میں جگہ بنائی۔اس دوران شجر عباس نے 100 میٹر میں پاکستان کا نیا قومی ریکارڈ بھی بنایا، انہوں نے 100 میٹر دوڑ 10.37 سیکنڈز میں پوری کی۔شجر عباس نے 100 میٹر دوڑ میں اپنا ہی قومی ریکارڈ بہتر کیا ہے۔اس سے قبل شجر عباس نے کامن ویلتھ گیمز میں 10.38 سیکنڈز کا ریکارڈ بنایا تھا۔