پیرس اولمپکس‘18رکنی قومی دستے کا اعلان‘ محمد شفیق چیف ڈی مشن مقرر 

لاہور(سپورٹس رپورٹر) پاکستان اولمپکس ایسوسی ایشن نے پیرس اولمپکس کیلئے 18 رکنی دستے کا اعلان کر دیا۔18 رکنی دستے میں 7 اتھلیٹس اور 11 آفیشلز شامل ہیں، ان آفیشلز میں کوچز اور شعبہ میڈیکل کے لوگ بھی شامل ہیں۔پیرس اولمپکس کی افتتاحی تقریب میں جہاں آرا نبی اور ارشد ندیم پاکستانی جھنڈے کو تھامیں گے جبکہ پاکستان کے اتھلیٹس، شوٹنگ، سوئمنگ اور اتھلیٹکس میں ایکشن میں ہوں گے۔ محمد شفیق چیف ڈی مشن، جاوید لودھی ڈپٹی چیف ڈی مشن اورزینب شوکت ایڈمن آفیشل ہوں گی، اتھلیٹکس میں ارشد ندیم اور فائقہ ریاض کیساتھ کوچ سلمان اقبال بٹ اور ڈاکٹر علی باجوہ ہوں گے۔شوٹنگ میں غلام مصطفیٰ بشیر،کشمالہ طلعت اور گلفام جوزف کیساتھ 2 کوچز ہوں گے، سوئمنگ میں احمد درانی اور جہاں آرا کیساتھ احمد علی ٹیم آفیشل ہوں گے۔