قصور: مختلف مقامات پر پولیس مقابلے ‘2 ڈاکوزخمی حالت میں گرفتار

قصور(نمائندہ نوائے وقت)قصور کے گردونواح میں پولیس نے دو مختلف مقامات پر پولیس مقابلے میں دو ڈاکوؤں کو زخمی حالت میں گرفتار کرلیا۔محمد باؤ خان نے پولیس کو اطلا ع دی کہ دو ڈاکو نقدی اور موٹر سائیکل چھین کر فرار ہوگئے ہیں پولیس تھانہ تھہ شیخم نے فوری بلندی چوک میں ناکہ بندی کی ڈاکوؤں نے پولیس کو دیکھ کر فائرنگ کر دی ڈاکوؤ ں کی اپنی فائرنگ سے ایک ڈاکو ریاض عرف ریاجی زخمی ہو گیا ۔پولیس نے زخمی ڈاکو کو گرفتار کر کے چھینی گئی رقم، موٹر سائیکل اور اسلحہ برآمد کرلیا۔ محمد نعیم نے پولیس کو اطلاع دی کہ دو ڈاکو نقدی چھین سرہالی کلاں کی جانب فرار ہوگئے ہیں پولیس تھانہ مصطفی آباد نے ملزموں کا تعاقب شروع کردیا ڈاکوؤں نے پولیس کو اپنی طرف آتا دیکھ فائرنگ کردی اور ڈکوؤں کی اپنی ہی فائرنگ سے ایک ڈاکو بوٹا عرف ٹونڈا زخمی ہوگیا جس کو پولیس نے گرفتار کرکے چھینی گئی رقم برآمد کرلی۔