حافظ آباد(نمائندہ نوائے وقت)حافظ آباد کے نواحی گائوں لکھیا میں سعودی پلٹ شخص نے اپنی بیوی کو فائرنگ کرقتل کردیا جس کے بعدملزم فرار ہوگیا۔ تفصیلات کے مطابق ارشاد جو کہ سعودی عرب میں محنت مزدوری کے سلسلہ میں مقیم چلا آرہا تھا ۔وہ سعودی عرب سے چند روز قبل واپس لوٹا تھا۔اسکا اپنی بیوی سے مبینہ طور پر کسی بات پر جھگڑا ہوا جس پر اس نے مشتعل ہوکر بیوی پر فائرنگ کردی جس کے نتیجہ میں وہ موقع پر دم توڑ گئی۔پولیس نے ملزم کے خلاف مقدمہ درج کرلیا۔