گوجرانوالہ+کامونکی(نمائندہ خصوصی )شرط لگا کر نہر میں کودنے والا نوجوان ڈوب گیا، ریسکیو کے غوطہ خوروں نے نوجوان کی تلاش کیلئے سرچ آپریشن شروع کردیا ،بتایا گیا ہے کہ گھمن والا میں 20سالہ حریم اور اس کے دوست نے شرط لگا کر نہر میں چھلانگیں لگا دیں ، دوست نہر کراس کرکے باہر نکل آیا جبکہ حریم ڈوب گیا اس بارے علم ہونے پر ریسکیو ٹیم بھی موقع پر پہنچ گئی ، ریسکیو کے غوطہ خوروں نے نہر میں ڈوبنے والے نوجوان کی تلاش کیلئے سرچ آپریشن شروع کر دیا جس کا تاحال کوئی سراغ نہیں مل سکا، نہر میں ڈوبنے والا نوجوان کامونکی کا رہائشی بیان کیا گیا ہے۔